香港國際美食大奬

(澳門日報) 2017年05月14日 12:10

    香港國際美食大奬

    今期老周我想同大家分享最近餐飲業界嘅矚目盛事——《香港國際美食大奬2017》。兩年一度嘅《香港國際美食大奬》被譽為世界五大廚藝賽之一,係獲世界廚師協會認可嘅國際性比賽。賽事提供平台畀來自世界各地嘅業界精英互相切磋、交流,同時提升行業整體水準同競爭力。

    今屆賽事包括中式烹調、西式烹調、糕點比賽、屠宰技術挑戰賽、現場下午茶比賽同美食家團體挑戰賽六大競賽。

    我哋酒店亦派出中、西餐廳廚師前往香港參賽。金殿堂中餐廳兩位廚師徐偉豪同吳志南,憑着出色技藝同巧思,喺眾多參賽者中脫穎而出,分別喺中式烹調競賽中嘅“創意前菜”同“有機全雞”類別上勇奪金奬,成績令人振奮!

    老周我相信,奬項一定能鼓勵廚師團隊繼續精益求精,為食客呈現更多別具風味嘅珍餚,帶來更多驚喜!

    周  中

    (澳門美高梅金殿堂烹飪顧問)

馬上成為Qoos的Fans

【去論壇發表評論】