陳奕迅向老婆示愛

(澳門日報) 2017年10月13日 03:41
陳奕迅向老婆示愛
陳奕迅演唱新碟中的歌曲 (Tungstar)
陳奕迅向老婆示愛
阿徐在台下為老公打氣
陳奕迅向老婆示愛
奕迅在旺角麥花臣體育館舉行演唱會
陳奕迅向老婆示愛
全場爆滿,黃牛票炒到七千元。
陳奕迅向老婆示愛
圈中好友齊捧場

    旺角開騷反應熱烈

    陳奕迅向老婆示愛

    陳奕迅(Eason)前晚在旺角麥花臣體育館舉行最新國語碟《C'mon in~》的演唱會首場。他的太太徐濠縈及圈中好友陳志雲、梁漢文、郭偉亮夫婦等都有到場支持,連演唱會稀客甄楚倩亦有捧場。

    Eason前晚先唱出新碟中的歌曲《收心操》及《誰來剪月光》為演唱會熱身,之後再唱出《之外》,反應熱烈。接着他唱出多首粵語歌,更贏得粉絲如雷掌聲和呼歡聲。

    之後,Eason“吹神”上身,他笑言:“本來唔想講咁多,但唱唱吓又想講,今日揀啲歌都係好少唱,我隨時都可以唱首《K歌之王》,或者唔好咁舊,隨時唱《無條件》都得。”台下有歌迷大叫:“係咪得口架?”他笑言:“隨時都得,但今日唔得,話晒都係要宣傳大碟,難得唱晒全隻碟嘅歌,怕冇機會,以下呢首歌都係好好嘅,就好似我太太咁。”然後他唱出一曲《人生馬拉松》,送給台下為他打氣的老婆阿徐。

    演唱會之後,Eason在後台接受訪問。問到會否勾起剛出道時在麥花臣開音樂會的辛酸?他表示:“嗰次係喺外邊嗰個球場,但係麥花臣呢個名喺我啱啱出道時的確留下深刻印象,所以今日一定要返嚟……今次就唔同,好開心。”

    談到音樂會場外有不少人兜售黃牛門票,有些更炒至七千港元。Eason表示:“真係唔好意思,我冇諗呢啲,但都同情買貴飛嘅粉絲,好多謝你哋支持,但我都唔知道點樣杜絕炒飛。(開多幾場咪得囉?)上次開到廿五場都炒啦,我希望有朝一日連炒黃牛嘅人都入場聽我嘅演唱會!”

    近日傳出那英不參與主持下一輯的《中國新歌聲》,Eason表示自己也是剛剛知道,又開玩笑的說:“可能她都想休息一下,畢竟都做咗六年,六年都冇放暑假哩。(有指那英因比賽有黑幕才不做?)啲網民噏得就噏!咁叫我哋撳掣算唔算黑幕?但撳唔撳最終都係自己主導,就算唔撳都奈我哋唔何。”

馬上成為Qoos的Fans

【去論壇發表評論】