鎖轆拖車唔見銀

(澳門日報) 2018年01月08日 03:22

    鎖轆拖車唔見銀

    違泊盛惠千五文

    控煙半夜少出動

    食肆煙民倍輕鬆

    下月起,違例泊車被鎖轆拖車,盛惠千五;新控煙法今月生效,禁止吸煙場所違吸,亦罰千五,已有不少人進貢庫房。

    小城地少車多,街頭泊位長期缺乏,車主被迫違泊黃實線,電單車則泊上行人路。日後新法實施,車主定當小心,大拿拿千五,打工仔一日人工唔夠畀。新例必起阻嚇作用,相信違泊會減少。

    有車主話,當局一向選擇性執法,晚間很多違例泊車,就算阻街,抄牌講心情,時抄時唔抄。反而半夜泊巴士站不到三分鐘,天眼錄到照罰,但實際深宵全無巴士到,絕不影響交通,如此被罰很覺冤枉。

    現時夜間很多車輛都泊黃實線,一早開走,無阻交通。有些的士半夜交更無停泊位,一架架泊上行人路。若新例實施後,究竟雷厲風行執法,抑或網開一面,真箇天曉得。

    有夜班一族認為,日間泊黃實線或騎上行人路,抵罰!晚間泊類此情況,無影響交通,就應放一馬,鬼叫政府只識罰款,冇解決停車場問題。

    新控煙法本月施行,為咗吞雲吐霧違法罰千五,相信很多煙民有所收斂,就算在非違法範圍吸煙,都會打醒精神。既然吸煙有害健康,又被人戴有色眼鏡看待,好像吸煙犯罪一樣,閃閃縮縮,倒不如索性戒煙。

    控煙辦日間執行職務,無大問題,蓋因日光日白,酒家、茶餐廳等食肆的煙民大多守規,就算惡人也有所避忌,免犯眾憎。但到夜間,食肆仍有煙民肆無忌憚,當其他食客冇到,違吸者深知控煙辦話廿四小時服務,實則半夜“高床暖枕”,點會有人巡查?黑點北區夜市最顯現,久而久之,等於半夜可違法吸煙!

    羅倫斯

馬上成為Qoos的Fans

【去論壇發表評論】