談粵菜

(澳門日報) 2018年09月09日 03:57

    談粵菜

    “中國八大菜系”之一嘅粵菜,文化源遠流長,已有二千幾年嘅歷史。粵菜講求色、香、味、形俱全,要突出主材料嘅風味,喺配料同調味料嘅選擇亦都相當講究。粵菜可以分為廣州菜、潮州菜同東江菜三種風味,追求“清而不淡、鮮而不俗、嫩而不生、油而不膩”。

    近年,粵菜嘅變化可謂非常之大。喺澳門,越嚟越多新酒店落成,餐飲業非常蓬勃。廚師們為咗令粵菜更上一層樓,不斷創新求變,喺傳統中加入新意,以西方料理方式創作出新派分子料理。不過我亦聽到好多人講唔知喺度食緊啲咩!

    潮流興懷舊,古老當時興!潮流係一個循環,呢幾排好多食肆又開始將傳統粵菜番生,廚師們各出奇謀,將好多大家已經遺忘咗嘅菜式重現。就好似我哋酒店中餐廳九月限定推出嘅家鄉蜆肉焗蟹砵、魚肚荷香紅棗蒸滑雞、鮮菇韭黃炒桂魚卷等等。如果大家想懷舊一番,重溫經典美味,不妨就嚟我哋中餐廳享受一下喇!

    周  中(澳門美高梅金殿堂烹飪顧問)

馬上成為Qoos的Fans

【去論壇發表評論】