薛世恆祝福法拉再婚

(澳門日報) 2019年05月15日 03:28
薛世恆祝福法拉再婚
薛世恆戥法拉開心

    薛世恆祝福法拉再婚

    薛世恆昨日出席“世界電競馬拉松”首站賽事的廣告片首播會,他為該賽事擔任宣傳大使並拍攝宣傳片,流下男兒淚。

    薛世恆表示自己很少喊:“知道在片中要有流淚鏡頭,本來以為我做唔到,但在拍攝前睇到與家人的合照,好有感觸,就自然而然流下熱淚。”問到與前妻法拉分手時可有流淚?他說:“細個拍拖,分手都會好傷心,但最值得珍惜係家人。(與法拉離婚可有傷心?)當然有影響,(冇喊?)你哋唔信呀?只可以講係一個人生經歷,分手後都係好朋友。”

    薛世恆承認法拉有向他透露婚訊,但沒有講清楚時間,他亦沒有問:“我當然支持佢找到幸福。”問可有跟法拉見面?他說:“對上一次係幾年前,間中會聯絡。幾個禮拜前法拉打電話畀我,話唔希望我睇報紙才知佢結婚,我聽到第一個感覺係戥佢開心,衷心祝福佢。”

馬上成為Qoos的Fans

【去論壇發表評論】