紅魔鬼兵工廠同“落”日

(澳門日報) 2017年03月20日 13:05

    紅魔鬼兵工廠同“落”日

    英超經過上季翻雲覆雨後,今季總算行正路,幾支豪門都能名列前茅,始終教人可惜是兩支傳統勁旅曼聯與阿仙奴依然未爭氣。先講紅魔鬼曼聯,自費爵爺榮休後一落千丈,之前被莫耶斯幾乎搞到要降班,跟住雲戈爾接手又唔上唔落,現在搵“老摩”做“魔教教主”,雖已經攞咗聯賽盃冠軍,但高層根本唔稀罕,最緊要在聯賽能入到前四踢歐冠,因為“錢”途最重要,攞個爛鬼盃仔都唔夠畀“茶錢”,但以目前走勢,今季都“忟水”。

    雲格做“廠長”咁多年,話佢差唔講得,話佢叻又講唔出,至少年年做歐冠“陪襯品”。惜下季能否踢到歐戰都成問題,不敵西布朗後,想爭做“阿四”都幾辛苦,近五場聯賽輸四場,球迷“反雲”之聲已不斷爆發,雲格都係時候下台。

    英超相當現實,雲尼亞里就係最佳例子,阿Ben保證,阿仙奴入唔到前四,下季將有新“廠長”。

    足球評述員 Ben

馬上成為Qoos的Fans

【去論壇發表評論】