盧頌恩想與運動男拍拖

(澳門日報) 2016年09月21日 11:45
盧頌恩想與運動男拍拖
妹頭與YY的學生Look清新

    盧頌恩想與運動男拍拖

    “妹頭”盧頌恩與楊逸嘉(YY)日前為有線娛樂台拍攝《正義同盟》,兩人以一身學生Look於街頭取景。YY以高大身形現場入樽,更對妹頭施展“壁咚”冧功,妹頭當場暈得一陣陣,“佢個角色係籃球健將,我要主動追佢,佢就會用壁咚電我,又會幫我綁鞋帶。如果真係有男仔對我咁好,我都會畀佢電暈呀!故事結局係我會受騙,係一個搞笑的衰收尾。”

    與YY拍對手戲,妹頭真心激讚:“佢對女仔的細心真唔係人人做到,尤其當佢幫我影相時,為影到更靚的低角度,佢完全唔怕污糟,就咁趴到球場地上,咁樣先影到靚相。”妹頭亦自爆非常喜歡運動健將型的男孩:“好似運動員林書豪同林丹,我都好鍾意,因為佢哋除咗有完美身形之外,更加有不屈不撓精神,眼神都特別殺食。可惜我以前讀女校,只可以在聯校比賽中偷望多兩眼其他男校同學,將來都想試試與運動型男仔拍拖。”

馬上成為Qoos的Fans

【去論壇發表評論】