百菜配百醬

(澳門日報) 2018年05月13日 04:00

    百菜配百醬

    大家都知道調味料係一味餸菜中不可或缺嘅角色,搭配得好唔單止可以引出食材天然嘅味道,仲可以提升餸菜嘅味道、增加大家嘅食慾。一般嚟講,唔同派別嘅菜式都會有自己標誌性嘅特色調味料。

    作為中國八大菜系之一嘅粵菜,着重食物本身味道同調味料嘅配合,所以衍生出“百菜配百醬”嘅講法,即係每一道菜式都會特意搭配一種醬,就好似燒乳豬會搭甜醬同白砂糖;燒腩仔配芥末醬;白切雞跟薑茸;炒蝦球或炒鮮魷就跟蝦醬;炸子雞會跟淮鹽;平時飲茶食嘅燒賣、牛肉球同春卷就會跟喼汁等。

    老周覺得咁多種醬入面XO醬就最百搭,我哋酒店中餐廳嘅XO醬係自家製,鹹香冶味之餘又不失鮮味。新酒店中餐廳的XO醬仲要係升級版,加入了櫻花蝦提升鮮味,空口都可以食幾碟呀!所以幾時都話粵菜係好講究同好有學問,知道點樣搭配先至可以帶出食物嘅鮮甜,令味道變得更加好!

    周  中(澳門美高梅金殿堂烹飪顧問)

馬上成為Qoos的Fans

【去論壇發表評論】