燒 烤

(澳門日報) 2017年08月06日 04:10

    燒    烤

    燒烤已經成為我哋日常生活嘅主要烹調方式。早喺西周時期,當時嘅貴族普遍鍾意食燒乳豬,仲將叫做“炮豚”嘅燒乳豬列入“八珍”之一口添!

    一般人都認為燒烤源於廣東,因為脆皮乳豬、荔枝柴煙燻燒鵝等都非常出名,但其實好少人知道燒烤係由回族傳到中原。燒烤方式基本上大同小異。最早嘅燒烤,係將牛肉或羊肉切成正方形,再用葱花、鹽同醬汁醃製後再燒。老周我就覺得簡簡單單咁用五香同鹽醃好,入味後喺外皮上一層以麥芽糖同醋開嘅糖醋水,吊乾水份之後再燒,就好易燒出皮脆肉滑嘅燒肉喇!

    其實現代燒烤同以前相比已經有好大變化,加入好多現代元素,推出好多新菜式。一於今晚約埋屋企人同朋友一齊去“燒”一“燒”啦!

    周  中(澳門美高梅金殿堂烹飪顧問)

馬上成為Qoos的Fans

【去論壇發表評論】