泳兒湊頑皮狗如湊仔

(澳門日報) 2018年06月13日 03:47
泳兒湊頑皮狗如湊仔
泳兒和楊天宇帶狗狗做瑜伽

    泳兒湊頑皮狗如湊仔

    泳兒日前同英皇新人楊天宇、大馬糖王郭鶴年細女郭燕光、上海灘創辦人鄧永鏘女兒鄧愛嘉、名媛李桂蘭兒子戴尚安、台灣富商張世駿女兒張翡玶等人,參與由練馬師告東尼女兒Antonia搞的“Sunset Doga”活動,同狗狗一齊做瑜伽,宣揚唔食狗肉的訊息,同時亦都會籌款用作“玉林狗肉節”拯救及醫治狗隻。

    當日泳兒帶三歲愛犬Batman出來,第一次同狗狗做瑜伽,泳兒話:“平時Batman的運動淨係落街行吓,佢唔會跑。”

    一到現場,可能未熟習環境,Batman表現斯文,不過一開始做瑜伽就開始不停四圍走,搞到泳兒滿場飛捉狗。做完瑜伽成身散晒的泳兒話:“因為當Batman見到隔籬有靚仔靚女、有嘢食或者有聲,佢就會完全忘記晒自己做緊甚麼,所以佢係比較難控制。一開始的時候,我直程覺得有親子活動的感覺,見到啲爸爸媽媽帶小朋友嚟,有種好溫馨的感覺,但我個仔係完全不受控制。”

馬上成為Qoos的Fans

【去論壇發表評論】