朱晨麗重拍《法證4》頂唔順

(澳門日報) 2019年05月16日 03:44
朱晨麗重拍《法證4》頂唔順
朱晨麗呻拍劇太辛苦

    朱晨麗重拍《法證4》頂唔順

    無線新劇《大醬園》正在趕拍中,在劇中擔正女主角的朱晨麗每日都要開工,日前拍攝一場劈柴送貨的戲份,狀態大勇的朱朱令劇組人員都睇到目瞪口呆。

    朱朱雖然說話陰聲細氣,但原來“劈功”有一手。日前在拍攝劈柴一幕時快而準,三扒兩撥就將柴劈開,就連韋家雄都甘拜下風。最搞笑是之後韋家雄要再劈柴,仍然劈唔開,工作人員笑言不如韋家雄搵朱朱做“替手”。

    朱朱透露早前她的經理人收到《法證先鋒4》劇組通知,因為黃心穎被換角,朱朱的戲份受到影響都要重拍。朱朱表示:“收到重拍消息後,心情即刻沉晒。因為《大醬園》幾乎場場戲我都有份,如果兩邊一齊開,只得一兩個鐘休息時間都要拍埋,到時要日接夜、夜接日,肯定冇覺瞓,好擔心身體會負荷不來,撐唔住!”

    朱朱表示已經好多年冇放假:“之前拍《法證4》已經拍到五癆七傷,現時最希望拍攝順利完成,可以讓我休息一下,調養身體。”

馬上成為Qoos的Fans

【去論壇發表評論】