張衛健收山唔拍劇

(澳門日報) 2019年01月12日 03:36

    張衛健收山唔拍劇

    《大帥哥》拜拜了!張衛健“出山”之作,亦是“收山”劇集。

    張衛健(Dicky)微博留言冧妻:“等我忙完這一輪工作,我會陪你度過一個又一個的日落日出。”日前北京宣傳回來,Dicky回應傳媒說:“今後不再拍劇了,不止香港,其他地方都唔會再拍。”表示要陪伴母親、愛妻,享受人生。

    停拍劇十四年後,回巢拍《大帥哥》。TVB拍劇出名辛苦,但酬勞與內地冇得比;答應歸來,“係覺得珍姐有誠意,好多嘢肯配合。”珍姐講明想他幫無線五十周年造勢。Dicky多年他鄕拍劇,亦患上相思之苦,好想拍一部有質素的廣東話劇集。終於“成功完成使命”,卻失落黃金台慶檔期,隔年播出,奬項空空如也。視帝大熱倒灶,反而是同劇一班演員替他不値,蔡思貝、楊秀惠、譚凱琪、洪永城都開口說視Dicky為心中永遠的視帝。

    張衛健向來要求高。據知情者爆料,他除了演好自己角色,還參與度橋,每集好多密集式金句,都由他精心度出來的。為與合作的演員有互動,Dicky連對手的戲都幫手設計,熱心提攜後輩;對手戲演員好開心,都說:“喺佢身上學到嘢!”

    獄中拜堂一幕,《大帥哥》唯一的“老婆”蔡思貝演技如何?“佢進步好多!唔係我講嘅,我原先唔識佢,亦冇睇過佢作品。”Dicky講緣份,“開始拍劇時,佢好Nice咁叫我,‘你好呀大帥哥,我係蔡思貝!’先至識佢。但我聽工作人員講,佢拍呢套劇進步咗好多。我好欣賞同呢班咁好咁年輕的演員合作。”

    許多對白、許多橋段,係你即興插入?張衛健直認:“其實幾十年來都係咁,再拍會死好多細胞。”Dicky也視辛苦為幸福,“當你做喜歡嘅嘢會好投入,唔存在努力和辛苦。你好努力唱K,係因為覺得好好玩;當你好投入同男朋友或者女朋友一齊,唔會覺得好努力會辛苦。”

    未捧過奬,Dicky自我安慰:“全力以赴,奉獻出最好的張衛健,有奬當然更開心。不過,聽到好多朋友話趕住返屋企睇電視,攞到觀眾個心,呢啲先係最開心。”(Dicky生阿奇:二之一)

    高  梁

馬上成為Qoos的Fans

【去論壇發表評論】