張敬軒怕悶想玩嘢

(澳門日報) 2019年05月16日 03:40
張敬軒怕悶想玩嘢
邱士縉與姜濤吸引到不少粉絲圍觀
張敬軒怕悶想玩嘢
王麗嘉由阿媽操刀影的裸照
張敬軒怕悶想玩嘢
王麗嘉唔想在香港推寫真集
張敬軒怕悶想玩嘢
張敬軒笑稱扮火龍果出場費更貴
張敬軒怕悶想玩嘢
軒仔偕曾樂彤及李靖筠出席活動

    火龍果新形象有後續

    張敬軒怕悶想玩嘢

    張敬軒昨日出席品牌活動,透露原本大會希望他以“火龍果”造型出現,但他說為免新人會囂,而且“火龍果”出場費貴過本人,所以仍以自己原本面目出場。

    張敬軒、姜濤、邱士縉、王麗嘉、曾樂彤及李靖筠昨日出席品牌活動,吸引逾百名粉絲圍觀,期間不時有粉絲大叫姜濤及軒仔的名字。軒仔笑指粉絲的叫聲無得頂:“每次見到姜濤都會有種老懷安慰的感覺,好多年前香港藝人都有這種陣勢,組合Mirror同姜濤的出現令我有返希望,好開心!其實本地藝人好有號召力,我的粉絲嗌得唔大聲,可能我同我的粉絲一樣老喇!”

    軒仔早前化身“火龍果”惡搞容祖兒的片段播出後,軒仔笑言其他人都叫他做“火龍果”:“我感到很開心,創造了這個話題出來。看看稍後可會有人搵我做火龍果代言人。”問到可有興趣創作電影?軒仔笑問:“係咪火龍果大戰降兩度?簡稱降火,都好呀!不過之後‘火龍果’計劃會推出《Pretty Hungry》單曲,而且爭贏的就會做我澳門站演唱會表演嘉賓。而家玩法唔同以前,我又怕悶,有時玩點無傷大雅的都開心。”

    王麗嘉剛於本月四日度過廿四歲生日,她大呻:“感到好傷心,因覺得自己好老。”她透露與屋企人食飯慶生,收到甚麼禮物?她說:“我好少收禮物,禮物唔重要。(收現金?)生日冇,平時我的收入會畀晒媽咪,媽咪會用戶口過返數畀我。”

    麗嘉日前在社交網站上載了一張在峇里度假時影的全裸出浴照,她指相片是由媽媽馬詩慧提議並操刀拍攝,因覺得個廁所好靚,媽咪都知她會放上網。但她說外界反應很大,所以她要關閉留言功能。問是否接受唔到網民意見?她說:“有些男人講話好猥瑣同核突。”問到是否嚇親爸爸?她說:“因為核突留言Tag我爸爸,我睇到都唔舒服。(會唔會因為爸爸而唔再放性感相?)唔會,因為相靚,而且爸爸冇話唔開心。(媽咪有冇鼓勵你影寫真?)冇,而家唔係好想影,在香港唔會,在美國可能就會,因為香港男人的眼光好唔尊重、好冇禮貌。”

馬上成為Qoos的Fans

【去論壇發表評論】