宮廷佳餚——茼蒿菜

(澳門日報) 2017年03月18日 20:59

    宮廷佳餚——茼蒿菜

    茼蒿嘅叫法,主要係嚟自明朝李時珍《本草綱目》中所寫:“每年九月份下種,冬季及明年春季採食,莖葉肥嫩,微有蒿氣,故名茼蒿。”茼蒿,係春天時令蔬菜,營養價值甚高,具有安心氣、養脾胃、消痰飲、利腸胃等功效。古代係專門奉獻畀皇帝嘅貢品,所以又被稱為“皇帝菜”。

    茼蒿嘅食法非常多,除咗平時打邊爐或食羊腩煲會以茼蒿作為伴菜之外,仲有其他食法,等老周我話畀大家知!

    第一吃,茼蒿湯:將茼蒿同肉類或菇類一齊煲湯,就可以煮出清淡而又有茼蒿清香嘅湯喇!第二吃,涼拌茼蒿:將洗乾淨嘅茼蒿加入少少鹽出水,瀝乾水後,加入葱絲、麻油、生抽同陳醋,拌匀即可。第三吃,茼蒿炒肉絲:將醃製好嘅肉絲炒至半熟後加入茼蒿,炒至肉絲變白就完成喇!

    三種做法都好簡單,大家不妨喺屋企試吓!

    周  中

    (澳門美高梅金殿堂烹飪顧問)

馬上成為Qoos的Fans

【去論壇發表評論】