外勞夜間踩單車

(澳門日報) 2017年04月17日 11:56

    外勞夜間踩單車

    頭尾無燈成隱者

    懶理紅燈不守規

    行人路上照樣駛

    澳門機動車與日俱增,估不到沉寂一時的單車,近年似多起來。

    騎單車者主要三類人,第一類用來運動或假日休閒;第二類係小企送貨;第三類異軍突起,乃用作交通工具的外勞。

    馬路所見,大多外勞不守規矩,冇交通警時,紅燈照過,最離譜踩上行人路。踩單車者大多越南人,有男有女。

    至於單車,則不知從哪裡買到,非常殘舊,冇頭尾燈,冇車鈴叮叮響,有時還搭住鄉里。有日半夜見到,四名越南男女在慕拉士大馬路齊踩單車,未知是收工抑或甚麼的,四車平排而踩,單車簡陋,最基本的頭尾燈欠奉,若在黑漆地方踩車似隱形,分分鐘會被快車撞倒。四車至舊望廈體育館地盤外遇紅燈,話知你照過,對面馬路禁止駛進,索性踩上行人路。當有汽車在三角花園對開紅燈停下,四男女踩車而至,相信係一路逆駛,紅燈又當冇到,那管祐漢那邊有汽車駛出。

    那班人一路轉往台山區,霎時又有另一女子騎單車從三角花園側駛出,一路中線慢駛,阻礙後有來車,也不靠左行駛,可見連最基本的交通意識也沒有,更何況關乎自身安全。天啊,怎麼小城近年多了些不守規矩的非本地人。

    踩單車,同其他機動車一樣,必須遵守交通規則,夜間冇頭尾燈,會被檢控,行車須靠左,眾車不可平排行,更不可載客,也不應運載阻礙視線的貨物。遇紅燈要停,斑馬線須讓途人。現時交警較少檢控違規者,較多警戒一番。但唔怕一萬,最怕萬一,若發生意外,違規者便累己累人。本澳熱愛踩單車的人士,都必須注意安全,做好榜樣!

    羅倫斯

馬上成為Qoos的Fans

【去論壇發表評論】