嘆早茶·食“點心”

(澳門日報) 2017年09月17日 04:10

    嘆早茶·食“點心”

    相傳“點心”呢個詞來自東晉,有一位大將軍因為見到手下日夜血戰沙場,好辛苦,為咗慰勞佢哋,就命人去整糕點送去前線,表達佢嘅“點點心意”。就係咁,民間就喺嗰個時候起流行用“點心”呢個詞,仲用到宜家。

    舊陣時要食點心,大家一般會上茶樓或酒家。一大班人朝早約埋一齊,拎住雀籠去飲早茶。有錢嘅就上樓嘆,錢少啲嘅就喺地下踎,因為樓上嘅茶錢會比樓下貴成倍!由於當時冇所謂男女平等嘅觀念,所以上茶樓嘅多數係男性專屬,基本上冇乜女性上茶樓嘆早茶。

    每間茶樓必賣嘅點心當然有蝦餃、燒賣、叉燒包啦,而且通常淨係做早午市,要到時到候先有點心食。不過,隨着飲茶文化嘅改變,點心亦相應有好多變化。例如,為咗吸引更多年輕人去食點心,好多新派茶樓會整一啲造型精緻或公仔樣嘅點心;宜家仲流行點心專門店,由朝到晚都有點心食,為嘅就係希望可以延續中式點心嘅好滋味!

    周  中(澳門美高梅金殿堂烹飪顧問)

馬上成為Qoos的Fans

【去論壇發表評論】