古巨基淚灑當場

(澳門日報) 2019年04月15日 03:40
古巨基淚灑當場
基仔的舞台設計充滿玩味
古巨基淚灑當場
將“巴士”搬上舞台又跳又唱
古巨基淚灑當場
在台上談及父母時忍不住落淚
古巨基淚灑當場
基仔與小方、側田、小肥及六號等擺出當年甫士合照。 (Tungstar)
古巨基淚灑當場
古巨基笑稱完成每場演出後都好似打完仗

    台上大談親情與愛情

    古巨基淚灑當場

    古巨基巡演Part2香港站前晚演出第三場,當晚表演嘉賓是方力申、側田、小肥及Rubber Band主音六號。小方自爆已十二年冇同台演出。當大熒幕播出當年的合照時,各人一齊擺出當年甫士再合照,笑稱希望十多廿年後可以再影一張老年版。

    前晚演出的親情環節中,熒幕播出基仔與家人的對話,其中提到他曾因工作忙碌,很久沒跟家人食餐飯,只能用電話聯絡。基仔眼紅紅說:“媽咪每次打畀我,第一句會問:巨基,工作開心順利嗎?爸爸打畀我都係關心工作,聽到我把聲知我好忙,佢就可以安心去瞓。”說罷忍不住淚灑當場。

    說到一提起父母就落淚,基仔指每場唱完《愛得太遲》都會講相同說話:“目的是希望大家多打電話問候父母。但前晚因為想起爸爸在電話筒講的說話,說想聽到我把聲才安心去瞓,我就比較感觸,我太眼淺。”他謂只要他有演唱會或演出,父母都會去捧場,如果是電視節目就會問幾時播映。

    基仔在第二場邀李克勤擔任嘉賓,在台上教基仔“生B招式”,包括倒掛金鈎及腳趾尾拉西,基仔笑說:“呢兩招克勤叫我意會,又叫我唔明就去問譚校長。開緊騷點樣倒掛?我問克勤倒掛金鈎係邊個倒掛?佢都答唔出!(輪流囉!)做錯咗唔得口架。跟住又話腳趾尾拉西,邊個西先?佢又冇講清楚拉咩西,都係做完騷再請教。要唞一唞,要有一個放假的感覺,身體才能有比較好的狀態。我希望演唱會過後可以休一個假,唔好咁忙先得。”

    基仔連日邀請了不少好友撐場,但就被對方大爆料。容祖兒篤爆基仔和太太每次食飯都在騷恩愛,基仔笑說自己真不是故意的:“雖然我們結婚了幾年,但我還是有熱戀情侶的感覺。平常工作不能這樣,那就只有出來食飯的時候可以嘛。”

    完騷後,基仔在後台開香檳預祝第四場演出成功。他表示每場演出體力消耗好大,因為歌衫很重,笑指每次完騷後都似打完仗。他說:“第二晚完騷後,因腰傷舊患隱隱痛,可能同平時少運動有關。以防萬一,我就請醫師上門按摩、理順肌腱。”問到為何不叫老婆按摩?他說:“佢唔識按摩,平時都係我幫佢按!佢都有問我點解識,因為我有時去按摩都會感受到按摩師按咩位。”

馬上成為Qoos的Fans

【去論壇發表評論】