劉兆銘復出了

(澳門日報) 2018年11月09日 03:52

    劉兆銘復出了

    老婆離世,食齋、不工作,呆在家中好似古時守孝一樣,三年後,“Ming Sir”劉兆銘復出了,“以前太太成日跟住我做嘢,自從佢離開之後……”原來他仍然帶着太太開工。他的眼鏡盒貼着亡妻照片,背後寫着其生卒日期。

    劉兆銘八十八歲了,老當益壯,最近網劇《蝕日風暴》中演富商翁振中。經營古董、茶葉的正當商人,實際係“高桌會”話事人,製毒販毒,遍佈爪牙。Ming Sir演來令人不寒而慄。老馬有火,“我是笑演日落前,我嘅火氣,好似想戰鬥咁,想搵人打!”

    提及閉關日子,Ming Sir語氣淡然,“有人話,我可以搵返個伴,亦有人話可以做我個伴。但係,我覺得自己好怪……就算遇到一個幾靚嘅人,如果唔啱傾,即刻覺得佢冇味道……我都已經八十八歲,佢鍾意你又有幾多年呢?除非佢非常精彩,咪同佢博一鋪。如果唔係,冇得搞。現在,我反而要鍛煉好自己的身體,接觸到更多新鮮美麗的東西。”

    影視無數,今次亦遇上好多即興事,“四日內,自己買齊戲服。開拍後,許多時即日才收到劇本。不知劇情的情況下,自己推測劇情發展,自己角色會怎樣?一邊創作一邊演,眞係好好玩,實情係玩自己。”

    你以為有財有勢有謀就幸福咩?Ming Sir談劇中翁振中,“呢個人好可憐,身邊一個人都冇,生存在一個失落的世界。我將這個角色的恐懼感隱藏得好緊要;不讓其他人估到,達到高處不勝寒的極峰。越演越殘忍……我跟導演講,我點樣演,你都照拍,希望可以出現一個好特別的角色。拍咗咁多年戲都冇試過,有一種好Happy的感覺,好High,令我唔想退休。鍛煉好身體繼續接嘢做,呢種係生命力的再生!”(既是夕陽好 · 笑演落日前:二之二)

    高  梁

馬上成為Qoos的Fans

【去論壇發表評論】