兵工廠格食格

    英超老三阿仙奴保持勇態，近七場主場取得連勝，今晚在酋長球場佈陣迎戰未脫離降班危機的韋根，兵工廠要全取三分，應該信心十足。韋根上仗爆冷擊敗一哥曼聯搶到寶貴三分，目前多尾三保頓兩分，正所謂革命尚未成功，仍需為護級努力，今仗面對強勁阿仙奴，韋根必定全力以赴；可惜酋長球場屬兇險之地，要搶分相當艱難。初盤阿仙奴讓球半／兩球，以兵工廠強大火力，贏波贏盤問題不大。

    阿仙奴要穩固老三位置，肯定不會留手，自從多名傷病球員復出後，兵工廠實力明顯增強，尤其防線更加穩健，近五場比賽只失兩球，有四場零封對手，無論進攻與防守都踢出強者本色。球員狀態保持穩定，只要雲佩斯、阿迪達、華確特及魯錫斯基等主力繼續發揮水準，贏波唔難。要搏命真係唔同踢法，擊敗利物浦、史篤城及曼聯，韋根果然有料到，但與阿仙奴鬥攻鬥搶，真係格食格。

    推介：阿仙奴勝三比一

        足球評述員Ben