亂晒大龍

(澳門日報) 2012年12月10日 03:14

    亂晒大龍

    報載政府打算未來兩年撥出四億元資助計劃,鼓勵居民和業界淘汰包括二衝程電單車及十年車齡以上柴油車,社會熱議。

    斯雨與兩友茶聚,老友甲讀着報紙,嘖嘖稱奇:“澳門政府眞有錢,四億元資助環保、淘汰舊車,即係畀錢人換新車。”老友乙訝然:“我剛換了部四衝程電單車,呢次咪蝕晒底!”老友甲笑曰:“有時啲嘢係時也運也命也,唔係你財唔入你袋。”老友乙不忿:“自動自覺換車響應政府環保政策冇糖,噴黑煙的長期唔罰,還要畀錢資助佢哋換新車,難怪有人話啲官做嘢亂晒龍……”斯雨揷嘴:“呢啲就係有錢與冇錢政府嘅分別啦。”

    雖然有關四億元助汰高污染車計劃細節未明,但高污染車仍能如常在街道上行走,首先說明法制和執法都落後,其次是年度驗車不力,第三係宣傳敎育乏力,對於這類危害空氣質素和居民健康的人和業界,身為行政當局不是堵塞法律漏洞和加強執法,而是“畀錢”換部新車,齊齊悶聲發大財。

    這樣的政策如同環保車稅一樣,舊車不汰淘,卻猛增一批環保車,間接推高整體車輛增長。四億資助汰車會否推高鐵馬數量仍屬未知數,因未知會否強制汰除高污染車輛,但後遺症是“奬惡”。未來政府推行甚麼政策,市民多不會照辦,看清形勢,可能遲些“有着數”。如此這般,整個社會生態被扭曲。

    老友乙突曰:“扭唔扭曲唔知,快啲畀兩三千文買番架兩衝程殘五十仔,等政府派錢就眞!”

    斯雨

馬上成為Qoos的Fans

【去論壇發表評論】